Hoe werk dit
Gaste skandeer die QR-kode op die skerm of tafelkaartjie — niks om af te laai nie.
Hulle soek 'n liedjie op hul foon, versoek dit, en stem vir ander se versoeke.
Die liedjie met die meeste stemme speel volgende op die kroeg se skerms. Almal is die DJ.
Vir jou kuierplek
Djukebox verander 'n stil aand in 'n vol een. Gaste bly langer as hulle weet hul liedjie is oppad, en die kroeg se gekeurde katalogus sorg dat die musiek by die plek pas — elke aand van die maand, sonder om 'n DJ te bespreek.
Elke kuierplek kry sy eie voorkoms: jou naam, jou logo, jou kleure, jou eie adres soos joukroeg.djukebox.co.za. Versoeke word gemodereer, en jy besluit self hoe streng.
Reeds elke week in aksie in Pretoria-Oos.
Troues & Funksies
Laat jou gaste die onthaal se musiek help kies — met julle moet-speel-lys en nee-dankie-lys stewig in beheer. Djukebox op die venue se skerm, 'n QR-kode op elke tafel, en die dansvloer sorg vir homself.
Vanaf R1 995 per geleentheid — kontak ons hieronder.
Stel jy belang?
Gesels met ons oor 'n demonstrasie by jou kuierplek — ons stel dit op en jy sien dieselfde aand hoe dit werk.